УХМР со најава за невреме

Сподели со своите пријатели

До среда времето на повеќе места ќе биде нестабилно со пороен дожд и грмежи, а во четврток и петок ќе има изолирана појава на нестабилност, информираат денеска од Управата за хидрометеоролошки работи.

Loading...

Локално процесите ќе бидат поинтензивни во форма на невреме со пообилен дожд, силен ветер, електрични празнења и појава на град.

 

 

Нестабилноста се очекува да го зафати и Куманово, според податоците на accuweather. Денеска ќе имаме сончево до умерено облачно време со услови за нестабилност во попладневните часови. Можна е и појава на силни електрични празнења и пороен дожд.

ПРОЧИТАЈТЕ И:  Младите кумановци може да се пријават за обука за дигитални вештини

Ќе дува слаб до умерен ветер од западен и југозападен правец. Утринската температура ќе се движи околу 17 степени, а максималната дневна се очекува да достигне 31 степен целзиусов.

 

Loading...

 

– Во случај на појава на електрични празнења се препорачува поголема внимателност, да не се престојува на отворен простор и под осамени дрвја, стои во соопштението на УХМР.

Никола Ивановски