Под влијание на влажна и нестабилна воздушна маса, денес ќе има повремени врнежи од дожд, информираат од Управата за хидрометеоролошки работи.
Ќе дува умерен до засилен ветер од јужен правец (локално над 70км/час).
Попладне на повеќе места ќе биде нестабилно со пороен дожд и грмежи.
Во вечерните часови ветерот ќе го промени правецот во северен, што ќе услови брзо опаѓање на температурите, поради што на планините и на некои повисоки места врнежите ќе преминуваат во снег.
Во Куманово и околината денеска ќе имаме облачно време со врнежи од дожд. Ќе дува слаб до умерено засилен ветер од северен и североисточен правец.
Утринската температура ќе се движи околу два степени, а максималната дневна ќе достигне 13 степени целзиусови.
Утре низ Македонија ќе биде ветровито и студено со значително пониски дневни температури.
Ќе дува силен северен ветер, наместа со брзина и над 80 км/час. На планините повремено ќе провејува снег.
Низ кумановско утре ќе имаме променливо облачно време со услови за послаб дожд. Ќе дува умерен до силен ветер кој ќе надминува и 60 километри на час.
Температурата ќе биде во пад и ќе се движи од два степени под нулата до максимални осум степени целзиусови.
Никола Ивановски