Млада активистка за клима, Швеѓанкаta Грета Турнберг, која иницираше климатски митинзи низ целиот свет, денес изрази надеж дека општеството достигна „пресвртна точка“.
Иако нема официјални бројки за бројот на учесници во протестите низ целиот свет, Грета Турнберг рече во изјавата за Франс прес дека очекува да има милиони.
„Бројките се неверојатни. Кога ги гледам видеата, јас едноставно не верувам во тоа“, рече тинејџерката пред да се приклучи на митингот во Њујорк.
„Се надевам дека ќе биде пресвртна точка за општеството, бидејќи гледаме колку луѓе се подготвени да извршат притисок врз политичарите, особено пред самитот за климата на ООН следната недела во Њујорк“, рече младата Швеѓанка.
Стотици илјади учесници, студенти и работници излегоа на улиците на градовите низ целиот свет од Азија до Европа денес како дел од глобалниот штрајк со кој ги повикуваат светските лидери што се собираат на самитот за климата на ООН да преземат итни мерки за да се спречат климатска катастрофа.
Протестите започнаа на пацифичките острови, најмногу изложени на ризик од покачување на нивото на морето и во Австралија, каде што се одржуваа масовни демонстрации низ целата земја, од поголемите градови во Мелбурн и Сиднеј до помалите градови како Алис Спрингс.
Потоа протестите се проширија во Јапонија, Југоисточна Азија, Европа, Африка и Блискиот исток.
Грета Тунберг го привлече вниманието на светот минатата година, кога престана да оди на училиште за да протестира пред зградата на шведскиот парламент. На неа и се придружија други студенти и го основаше движењето „Петок за иднината“. Потоа се претвори во седмични протести низ целиот свет за да се бара од владите да постапуваат во врска со климатските промени.
Нејзината организација на „климатски штрајкувачи“ има неколку милиони поддржувачи ширум светот. Грета пристигна во САД во август, кога отплови кон пристаништето со брод на соларна енергија во Њујорк за да присуствува на самитот на ООН за климата.