Веројатно е дека Пари Сен Жермен наскоро ќе добие нов тренер и тоа ќе биде Тиаго Мота, пренесува ексклузивно „РМЦ Спорт“.
Loading...
Актуелниот тренер Томас Тухел е во конфликт со спортскиот директор Леонардо и нема да биде изненадување ако ги тера последните денови со шампионите.
Германецот ја критикуваше трансферната политика на клубот ова лето и поточно фактот дека не беа земени доволно нови играчи.
Кандидатурата на 38-годишниот Мота е изненадувачка во однос на неговото скромно искуство како тренер. Италијанецот помина една сезона на кормилото на јуниорите на ПСЖ, а потоа ја предводеше машката екипа на Џенова минатата есен, но остана таму само два месеци откако забележа само две победи од десет натпревари.
Влатче Зорба