„Незамисливо е претседателот да бара втор мандат по толку катастрофални и неуспешни две години“, изјави поранешниот американски претседател Доналд Трамп.
Трамп го обвини Бајден за низа неуспеси, од отворање на границата на САД со Мексико до доведување на светот „на работ на Трета светска војна“.
Бајден во вторникот официјално влезе во трката за 2024 година, велејќи во видео дека му требаат уште четири години за да ја „заврши работата“ и да ја врати „душата на Америка“.
Само неколку часа подоцна Трамп остро одговори.
„Можете да земете пет од најлошите претседатели во американската историја и да ги соберете и тие немаше да ја нанесат штетата што Џо Бајден ѝ ја направи на нашата нација“, рече Трамп.
Поранешниот претседател ја наведе „најлошата инфлација во последните половина век“, 24-месечната серија на пад на реалните плати и зголемувањето на цените на бензинот, бездомништвото и криминалот како примери за „катастрофалното и неуспешно претседателство на Бајден“.