Американскиот претседател Доналд Трамп изјави дека ќе започне разговори со Кина за можен договор за ТикТок во понеделник или вторник.
Тој рече дека САД „скоро“ имаат договор за продажба на апликацијата за кратки видеа ТикТок.
„Мислам дека ќе започнеме во понеделник или вторник… разговори со Кина, можеби со претседателот Си или еден од неговите претставници, но речиси имаме договор“, изјави Трамп пред новинарите на авионот „Ер Форс Уан“.
Минатиот месец, Трамп го продолжи рокот до 17 септември за кинеската компанија ByteDance да се ослободи од активностите на ТикТок во САД.
Оваа пролет беше во подготовка договор за одвојување на американските операции на ТикТок во нова компанија со седиште во САД, во мнозинска сопственост и управувана од американски инвеститори, но беше ставен на чекање откако Кина посочи дека нема да го одобри по најавите на Трамп за високи царини за кинески стоки.
Трамп рече дека САД веројатно ќе треба да добијат одобрение од Кина за договорот.
На прашањето колку е уверен дека Кина ќе се согласи со договорот, тој рече:
„Не сум сигурен, но мислам дека ќе се согласат. Претседателот Си и јас имаме одлични односи и мислам дека тоа е добро за нив. Мислам дека договорот е добар за Кина и е добар за нас.“