Кога Ивана Трамп, првата сопруга на Доналд Трамп, беше погребана минатиот месец во неговиот национален голф клуб Трамп во Бедминстер, Њу Џерси, малкумина веднаш погодија дека локацијата може да послужи како метод за избегнување данок.
Даночниот код на Њу Џерси го ослободува земјиштето на гробиштата од сите даноци, стапки и проценки – а нејзиниот гроб како таков потенцијално има даночни импликации за имотот на терените за голф на семејството Трамп во држава со прилично високи даноци на имот и земја.
Според документите до кои дојде ProPublica, трустот на семејството Трамп претходно се обидел да го назначи блискиот имот во Њу Џерси како непрофитна компанија за гробишта.
Но, Ивана Трамп, која почина претходно овој месец на 73-годишна возраст по пад во нејзиниот дом во Менхетен, Њујорк, е првата личност за која се знае дека е погребана на теренот за голф каде што Доналд Трамп и неговото семејство поминуваат време во текот на летото, пренесува Гардијан.
Според даночниот закон во Њу Џерси, гробните парцели не само што се ослободени од даноци на недвижен имот, стапки и проценки или даноци на персонален имот, туку и деловни даноци, даноци на промет, даноци на доход и даноци на наследство, според Инсајдер.
Брук Харингтон, професорка по социологија на колеџот Дартмут во Њу Хемпшир, во саботата на Твитер објави дека ги истражила тврдењата дека почивалиштето на Ивана Трамп може да се користи и од даночното планирање на нејзиниот поранешен сопруг.
„Како даночен истражувач, бев скептичен за гласините дека Трамп ја закопал својата поранешна сопруга во таа тажна мала парцела на неговиот терен за голф во Бедминстер само за даночно олеснување. Затоа го проверив даночниот код на Њу Џерси и тоа е тројно затајување Данок на имот, данок на доход и промет“, напиша Харингтон откако на социјалните мрежи почнаа да се појавуваат мислења кои го обвинуваат Трамп дека првенствено е мотивиран од можноста за даночно олеснување.
Харингтон подоцна го твитна целосниот даночен код во Њу Џерси за земјиштето на гробиштата.
Иако не постои одредба за количината на човечки останки неопходни за да се квалификуваат за гробишта, продажбата на венци, поголеми зимзелени аранжмани, цвеќиња и други слични предмети се оданочуваат.
Претходните извештаи сугерираа дека Трамп планира да изгради различни видови гробишта на теренот за голф во Бедминстер.
Минатата недела, местото беше домаќин на турнирот ЛИВ поддржан од Саудиска Арабија, кој беше во фокусот на протестите на некои семејства на жртвите од терористичките напади врз САД на 11 септември 2001 година.
Американската јавна радио станица NPR во 2012 година објави дека Трамп планира да изгради мавзолеј за себе на имотот, што предизвика некои локални приговори.
Тој предлог подоцна беше проширен за да вклучи гробишта кои може да содржат повеќе од 1.000 можни гробници.
Тој план подоцна беше укинат и заменет со дизајн за „приватни семејни гробишта со 10 парцели“ на истото место и преработен во предлог за комерцијални гробишта од 284 парцели, објави станицата.
Ивана Трамп беше погребана на парцела во близина на првата дупка на теренот за голф, по комеморацијата одржана на 20 јули на Менхетен.
Нејзиното почивалиште моментално е обележано со рудиментиран венец од бели цветови и врежан гранит камен.