Чешката провинција Јужна Морава беше погодена исклучително силно од невреме проследено со град, но и торнадо. Чешките медиуми јавуваат дека има мртви, но точната бројка сè уште не е позната.
Седум општини беа погодени, а најголемата штета ја забележаа Хруски, Моравска Нова Вес, Лужице и Микулчице.
Луѓето беа поплавени во домовите, а спасувачите проценуваат дека се повредени од 100 до 150 лица, вклучително и деца.
Пожарникарите прогласија посебно ниво на тревога. Помош и засилување од целата земја и соседна Австрија се насочени кон областа.
Пожарникарите од Јужна Моравија имале над 300 повици на час.
„Проценуваме дека бројот на повредени лица е помеѓу 100-150, од деца до стари лица“, изјави за Дојче веле портпаролот на спасувачките служби Мајкл Бетова.
No ty vole pic.twitter.com/yVHJtU3ZgG
— Nedakoňský vidlák (@nedavidlak) June 24, 2021
„Ние интервенираме првенствено таму каде што е загрозено здравјето на луѓето“, изјави за iDNES.cz Јарослав Микочка, портпарол на Противпожарната бригада во Јужна Моравија.
„Имаше неколку автобуски несреќи, се срушија покриви и луѓето беа поплавени во нивните домови. Ние соработуваме со амбуланти од регионот Злин, нашите колеги од Висошина, Оломоуц, Пардубице и Словачка ни помагаат “, изјави портпарол на спасувачите од Јужна Моравија.
Гувернерот на Јужна Моравија, Јан Гролич, нешто пред десет часот рече дека свикал кризен штаб во девет и пол.
„Ова е пекол“, рече тој.
Според заменик-градоначалникот Марек Бабиш, половина од селото Хрушки во регионот Бжецлав е оштетено од торнадо.
„Половина од селото беше срамнето со земја, само периметарните sидови останаа без покриви, без прозорци. Црквата нема покрив, нема кула, автомобилите се фрлаа кон семејните домови, луѓето немаа каде да се сокријат. Селото од црквата надолу е практично непостоечко. Училиштето нема фасада, нема покрив, дури не стигнав до градинката“, рече тој.
Австрија испрати 20 амбуланти и два медицински хеликоптери за помош на Јужна Моравија, објави на Твитер министерот за здравство Војтах Адам, пренесува Индекс.