Во огнена стихија изгоре 90 проценти од малото место каде што е забележана највисоката температура во Канада на сите времиња, рече локалниот советник.
Бред Вис рече дека пожарот му нанел голема штета на Лион, место во Британска Колумбија и на околната критична инфраструктура.
Градоначалникот на Литон претходно нареди евакуација на луѓето, велејќи дека пламенот се проширил низ местото за само 15 минути.
Оваа недела на тоа место е забележана највисоката температура во земјата на сите времиња – 49,6 степени.
Досега невидена, рекордна топлина однесе стотици животи во Канада.
Неочекувано високи температури се забележани низ цела Северна Америка.
Во Британска Колумбија, во западна Канада, биле регистрирани 486 смртни случаи за пет дена, додека под нормални околности стапката на смртност била 165.
Главниот истражител Лиза Лапоинте го обвинува екстремното време.
Во последните три до пет години, регистрирани се само три смртни случаи како резултат на топлина во оваа западна провинција.
Повеќето мртви, додаде Лапоинте, живееле сами во куќи без вентилација.
Температурите почнаа да опаѓаат во крајбрежните области во Канада, додека ситуацијата не се смирува на копно.
Што се случи во Литон?
Жителите трчајќи го напиштиле местото, многумина без личните предмети, бидејќи чадот и пламенот се ширеле низ село со 250 жители, 260 километри северо-источно од Ванкувер.
„Целиот град гори“, изјави градоначалникот Јан Полдерман за Си-Би-Си Њуз, откако во 18 часот потпишал налог за евакуација.
Брзината на ветерот од 71 километар на час во средата вечерта го насочила пожарот од север кон ова место, објави метеорологот на ЦБС Јохана Вегстаф.
Топли, суви и ветровити временски услови во областа можеа да влијаат на стапката на ширење на пожар од 10, па дури и 20 километри на час.
Со објава на социјалните мрежи од четвртокот, советникот Бред Вис ја оцени ситуацијата како многу сериозна.
„Има извештаи за неколку повредени“, напиша тој.
Жителите беа испратени на околните места каде биле отворени прифатните центри, додека службата за заштита од пожари на Британската Колумбија испратила тимови и опрема од други области да одговорат на пожарот.
Џин Мекеј, која ја напуштила Канака Бар, родна заедница на околу 15 километри од Литон, заедно со нејзината 22-годишна ќерка Деирд, изјави за Си-Би-Ес колку и било тешко да го напушти нивниот дом.
„Плачев. Мојата ќерка плачеше. Не знам ни зошто ги зграпчив клучевите. Можеби немаме ниту дом. Реков, да, знам, но сè додека сме заедно, ќе преживееме. Само се молам нашите куќи да бидат добро“.
„Не можете да го разберете тоа“, изјави Едит Лоринг-Куханга, една од евакуираните од Литон, за радиото ЦБЦ.
„Целиот наш град го нема.
Десетици починати од топлотен бран во Канада
Стотици луѓе во Канада починаа како резултат на непредвиден топлотен бран кој ги сруши сите рекорди на температурата.
Повеќе од 130 ненадејни смртни случаи се пријавени во полицијата во Ванкувер од петокот.
Повеќето од починатите биле стари лица и лица со лошо здравје.
Полицијата соопшти дека топлината е причина во многу случаи.
Рекорд на температура бил поставен во Канада неколку дена по ред, бидејќи биле измерени 49,5 степени во Литон, Британска Колумбија.
Пред оваа недела, температурата во Канада никогаш не надминала 45 степени.
Топлотниот бран е предизвикан од високиот притисок на воздухот над северозападниот дел на Соединетите Американски Држави и Канада.
Експертите велат дека климатските промени се очекува да ја зголемат фреквенцијата на екстремни временски прилики, како што се топлотните бранови.
Сепак, поврзувањето на кој било единствен настан со глобалното затоплување е комплицирано.
Полицијата соопшти дека екстремната топлина предизвика смрт на 65 лица во градот Ванкувер.
Колку била опасна топлината на други места?
Најмалку 34 ненадејни смртни случаи се регистрирани во предградието Бернаби, а 38 во областа на градот Сара.
„Ванкувер никогаш не доживеал таква жештина и за жал, десетици луѓе починале поради тоа“, рече наредникот Стив Едисон.
„Немаме доволно луѓе, но правиме се што е во наша моќ да ги задржиме луѓето безбедни“, рече тој.
Многу домови во Британска Колумбија немаат климатизација, бидејќи температурите обично се многу поблаги во текот на летните месеци.
Во областа Ванкувер се поставени привремени фонтани и центри за ладење.
„Немам климатизација, имам само вентилатор дома – дојдов тука да работам на ладилникот“, изјави една жена по име Лу за новинската агенција АФП.
Во најголемиот град Британска Колумбија се верува дека топлината е причина за смртта на 65 луѓе од петокот.
Десетици полицајци биле прераспределени во градот, додека зголемениот обем на повици ги исцрпи полициските ресурси.
Временскиот систем се движи кон исток низ прериерните провинции Албера и Саскачеван, а властите издадоа предупредувања за топлотниот бран за делови од Манитова.
„Ние сме втората најстудена и најснежна земја во светот“, рече Дејвид Филипс, постар климатолог за животна средина во Канада.
„Честопати гледаме студени удари и снежни виулици, но честопати не зборуваме за ова топло време… Дубаи е постуден од ова што го имаме сега тука.
Климатолозите сè уште се обидуваат да утврдат до кој степен климатските промени може да го влошат овој врел бран.
Еден од нив – Зик Хаусфадер, изјави дека ваквите невидени временски услови се скоро сигурно последица на глобалното затоплување.
Во понеделникот на американскиот пацифички северозапад, температурите достигнаа 46,1 степени Целзиусови во Портланд, Орегон и 42,2 степени во Сиетл, Вашингтон.
Тоа е највисоко ниво од почетокот на водењето евиденција во 40-тите години од минатиот век, објави Националната метеоролошка служба.
Во Орегон, здравствените власти поврзаа околу 60 смртни случаи со огромна топлина, додека во државата Вашингтон тој број беше 20, пренесува АП.
Топлината е толку силна што капите се топат, а трафостаницата Портланд престана да работи во неделата поради тоа.
Компанијата за дистрибуција на електрична енергија во Спокане, Вашингтон воведе ограничувања за да се справат со огромната побарувачка поради употребата на климатизери.
Еден жител на Сиетл за новинската агенција АФП изјави дека инсталацијата е како во пустината.
Амазон во понеделникот им дозволи на жителите на Сиетл да влезат во просториите на компанијата како простори за ладење, додека луѓето во Портланд исто така се собраа во центрите за ладење.
Канадскиот премиер Џастин Тридо и американскиот претседател Џо Бајден предупредија на заканата од шумски пожари, додека Бајден им порача на гувернерите на западноамериканските држави дека „тоа е посериозно од кога било“.