Талибанците ќе ги користат безбедносните сили за да ги спречат жените да го посетат еден од најпопуларните национални паркови Банд-е-Амир во централната авганистанска провинција Бамијан, објави портпаролот на Министерството за пороци и доблести, Молви Мохамад Садик Акиф.
Акиф ги пренесе коментарите на министерот за работи, Мохамад Калид Ханафи, кој, за време на посетата на провинцијата Бамијан минатата недела, рече дека жените не го следат правилниот начин на носење хиџаб кога одат во Банд-е-Амир.
Ханафи им рекол на официјалните лица и на верските власти дека обезбедувањето треба да ги спречи жените да ги посетуваат туристичките атракции, пренесува АП.
„Жените немаат потреба да одат на разгледување“, рече тогаш Ханефи.
Во ноември минатата година, владата предводена од Талибанците им забрани на жените да користат јавни простори, вклучително и паркови, наведувајќи дека тие не носат хиџаб правилно или не ги следат правилата за родова сегрегација.
Откако ја презедоа власта на 15 август 2021 година по повлекувањето на силите на САД и НАТО, тие воведоа неколку ограничувања насочени кон авганистанските девојки и жени, вклучително и спречување на девојчињата да одат на училиште по шесто одделение и забрана на авганистанските жени да работат во локални и невладини организации.
Бенд-е-Амир е главната туристичка атракција во Бамијан. Тој стана првиот национален парк во земјата во 2009 година и привлекува илјадници посетители секоја година.