Истакнувајќи дека „нема простор за компромис“ за „националниот суверенитет и слободен и демократски начин на живот“, Тајван во понеделникот рече дека воената конфронтација со Кина „апсолутно не е опција“, пренесува Анадолија.
Говорејќи на Националниот ден во главниот град Тајпеј, претседателот Цаи Инг-вен рече:
„Најширокиот консензус меѓу народот на Тајван и нашите различни политички партии е дека мораме да го браниме нашиот национален суверенитет и нашиот слободен и демократски начин на живот. По ова прашање немаме простор за компромиси“.
Тензиите во Тајванскиот теснец се зголемени од почетокот на август по ненајавеното патување на претседателката на Претставничкиот дом на Соединетите Американски Држави, Ненси Пелоси, на Тајван.
Како одговор, Пекинг започна невидени воени вежби околу островската држава, дом на околу 24 милиони луѓе, која инсистира на нејзината независност од 1949 година.
Кина не исклучува употреба на сила
Кина го смета Тајван за своја „отцепена провинција“.
„Вооружениот конфликт апсолутно не е опција за нашите две страни“, рече Цаи.
Како што рече таа, властите во Пекинг не треба да донесуваат никакви погрешни проценки поради силниот демократски систем на Тајван.
Кина не ја отфрли употребата на сила за обединување на Тајван со копното.
Пекинг во неделата рече дека Тајван „ќе ужива висок степен на автономија како посебен административен регион по повторното обединување“.
Сите информации поврзани со најновите случувања во Тајван можете да ги прочитате ТУКА.