Светот ќе го доживее најголемиот трансфер на богатство во историјата?

Сподели со своите пријатели

Во текот на следните две децении светот ќе го доживее најголемиот трансфер на богатство во историјата, а само во САД на помладите генерации ќе бидат префрлени 84 трилиони долари, се вели во најновиот извештај „Investor Watch“ на швајцарската банка УБС.

Loading...

Биле анкетирани 4.500 инвеститори на 14 пазари со најмалку еден милион долари инвестициски средства, а извештајот открил дека околу 40% од инвеститорите ширум светот немаат формализирано план за наследување, поради сложеноста на правичната поделба на нивното наследство, според специјализиран портал bonitet.com.

Секој друг анкетиран инвеститор не открил каде се чува имотот, како има намера да го распредели или колку вреди.

ПРОЧИТАЈТЕ И:  Земјотрес во канадската провинција Алберта

Главниот проблем на кој укажуваат инвеститорите – дури две третини од нив – е како да се подели богатството на начин што се смета за праведен, особено ако тоа значи нееднаква распределба на имотот меѓу наследниците.

Други ги наведуваат финансиските потреби на нивните наследници како фактор, но и колкава одговорност можат да преземат кога станува збор за грижата за нивниот стар добротвор.

Повеќето инвеститори и наследници се согласуваат дека најдобрата форма на дејствување е постојаната и намерна комуникација, а околу половина од сите анкетирани инвеститори изразиле интерес да вклучат професионалец кој би помогнал во дискусиите за трансферот на богатството, пишува порталот bonit.com.

ПРОЧИТАЈТЕ И:  Белоруската опозиционерка Марија Колесникова на интензивна нега