Сува трева и стрништа гореле на неколку локации во последното деноноќие во Куманово и Липково, информираат од Регионалниот центар за управување со кризи.
Во атарот на липковско Ваксинце вчера гореле сува трева и сстрниште при што интервенирале седум пожарникари со две противпожарни возила.
Пожарникарите огнот го гаснеле со часови односно од 11:50 до 18:30 часот, а причина за избувнување на исиот е човечки фактор.
Стрниште и сува трева гореле и на улицата „120“ во населбата Карпош, каде интервенирале двајца пожарникари. Причина за пожарот бил паднат електричен столб.
Во атарот на селото Романовце вчера во период од 17:20 до 17:50 часот горела сува трева при што интервенирале двајца пожарникари.
Пожарникарите подоцна имале уште една интервенција во Романовце овој пат на селските гробишта каде горела сува трева. Тројца пожарникари го гаснеле пожарот во период од 20:50 до 22:10 часот.
Никола Ивановски