Суспендиран новиот пакт за соработка меѓу Русија и Иран

Сподели со своите пријатели

Новиот договор меѓу Москва и Техеран за сеопфатна соработка е привремено суспендиран поради проблеми со кои се соочуваат партнерите на Иран, објави во вторникот руската државна новинска агенција РИА, цитирајќи претставник на руското Министерство за надворешни работи.

Loading...

„Ова е стратешка одлука на раководството на двете земји“, изјави Замир Кабулов, претставник на Министерството за надворешни работи, РИА. „Процесот… е запрен поради проблемите што ги имаат нашите ирански партнери“, пренесува Ројтерс.

Од иранска страна немаше коментар.

Русија и Иран развија блиски врски во последниве години, спротивставувајќи се на она што тие го гледаат како катастрофална надворешна политика на САД во обид да воспостават, како што велат, поправеден мултиполарен светски поредок.

ПРОЧИТАЈТЕ И:  Хезболах: Ќе го нападнеме Кипар ако избие војна меѓу Израел и Либан

Работата на нов голем договор меѓу Москва и Техеран беше најавена во септември 2022 година за време на средбата меѓу рускиот претседател Владимир Путин и поранешниот претседател на Исламската Република Ебрахим Раиси.

Раиси, кој се смета за потенцијален наследник на врховниот водач, ајатолахот Али Хамнеи, загина кога неговиот хеликоптер се урна во мај.