Најмалку 676 лица се убиени досега во судирите меѓу суданската армија и Силите за брза акција (РСФ), се наведува во извештајот на OCHA.
„Веќе 30 дена траат судирите меѓу суданската армија и РСФ, особено во Картум и неговата околина. Најмалку 676 лица се убиени, а 5.576 се ранети“, соопшти Канцеларијата на ОН за координација на хуманитарни прашања (OCHA), објави Ксинхуа.
Во извештајот се додава дека повеќе од 936.000 луѓе се раселени од 15 април, а од тој број, 200.000 побарале засолниште во околните земји.
ОН проценуваат дека околу 15,8 милиони Суданци, или третина од населението, ќе имаат потреба од хуманитарна помош оваа година, а бројот може да се зголеми доколку конфликтот се одолговлекува.
На 11 мај, завојуваните страни потпишаа во саудискиот град Џеда Декларација за посветеност на заштита на суданските цивили, со цел да се олесни испораката на итна хуманитарна помош и да се гарантира безбедна евакуација на цивилите.
Сепак, двете страни меѓусебно се обвинија за прекршување на договорот и продолжување на вооружените конфликти.
Сите информации поврзани со најновите случувања со војната во Судан можете да ги прочитате ТУКА.