Средба на лидерите на Србија и Косово на 18 август во Брисел

Сподели со своите пријатели

Лидерите на Србија и на Косово ќе се сретнат на 18 август во Брисел за да разговараат за намалување на тензиите во односите меѓу двете земји, објави во петокот Европската комисија (ЕК).

Loading...

„Целта на претстојниот состанок во Брисел е да започне дијалог меѓу Приштина и Белград на највисоко ниво бидејќи тоа е неопходно во овој момент“, изјави портпаролот на ЕК Петер Стано, пренесува Хина.

Тензиите зоврea минатата недела откако Приштина објави дека Србите од северниот дел на земјата, кои користат српски регистарски таблички на своите автомобили, ќе мора да бараат таблички издадени од косовските институции.

ПРОЧИТАЈТЕ И:  „Kрофна мафија“ од Халкидики: Дневно заработувале над 1.000 евра

По протестите, таа одлука беше одложена за еден месец, но сепак создава тензија меѓу Србија и Косово, кое прогласи независност од Србија пред 14 години.

Стано рече дека не може да го предвиди исходот од средбата меѓу српскиот претседател Александар Вучиќ и косовскиот премиер Албин Курти, но дека самиот факт што тие доаѓаат во Брисел претставува важен чекор.

Досега Косово го признаа околу сто земји, но не и Србија.