Советот на општината во 2015 година одржа 19 седници

Сподели со своите пријатели

Деведесет проценти реализација на програмата на Советот на Општина Куманово беше остварена во текот на изминатата година, со 19 одржани седници и разгледани 380 точки на дневниот ред, според досегашната статистика.

Од сите одржани седници во текот на 2015 година, едната е свечена која се одржа по повод Денот на градот, три вонредни и 15 редовни седници според програмата за работа.

Од вкупно планирани 106 точки на дневен ред беа разгледани 67. Слична програма е пресликана во 2016 година и Советот ќе работи во рамките на своите овластувања, што значи надзор на работењето на Јавните претпријатија, надзор на работата на градоначалникот, онаа штоа значи годишен буџет и програма за развој на општина Куманово и сите останати надлежности – вели претседателот на Советот, Максим Димитриевски.

Бројот на предвидени седници не е фиксен за 2016, но Димитриевски се надева дека ќе се одржат најмалку дваесетина со што според кумановскиот Совет е меѓу најдобрите во однос на своето работење во Република Македонија.

Инаку советниците на денешната седница го изгласаа извештајот за работата на Советот на Општина Куманово во 2015 година, како и програмата за работа во текот на 2016-та.


Comments are closed, but trackbacks and pingbacks are open.