Со концертот на Борис Новковиќ започна прославувањето на 11-ти Ноември (галерија+видео)

Сподели со своите пријатели

Со концертот на легендарната хрватска музичка ѕвезда Борис Новковиќ започна прославата на 71 година од ослободувањето на град Куманово.

Loading...

Чест да го отвори овој традиционален концерт имаше добро познатиот кумановски пејач Нино Величковски, а веднаш по него на големо задоволство на присутните на сцена излезе и Новковиќ.

Пред кумановската публика само се редеа хитовите на хрватската легенда. Некои се потсетија на својата младост преку дел од постарите хитови, а во добрата забава уживаа и младите генерации.

Свое обраќање пред кумановци имаше и градоначалникот на општина Куманово, Зоран Дамјановски кој се наврати на сите настани кои ја одбележаа оваа година, од поплавите, вооружените дејствија од населбата Тоде Мендол, како и бегалската криза. Дамјановски на сите граѓани им го честиташе празникот и им посака просперитетно и успешно слободно Куманово.

Loading...

По свеченото обраќање на градоначалникот следуваше традиционалниот спектакуларен огномет кој неколку минути го осветлуваше небото над Куманово.


Comments are closed, but trackbacks and pingbacks are open.