Утре (сабота, 18 септември 2021) на кумановскиот Споменик Костурница ќе биде одржан целодневен фестивал.
Почеток на фестивалот е планиран во 11:00 часот со групна изложба на 12 уметници под фестивалски назив `Дузина`, а ќе бидат изложени дела на Никола Радуловиќ, Стефан Анчевски, Ѓорѓи Антевски, Марија Јовановска, Игор Манојловски, Ангел Миов, Далибор Тренчевски, Кристина Хаџиева, Часлав Марковиќ, Кристина Божурска, Марјан Јаневски и Александар Симоновиќ-Симо.
Пладневниот дел од фестивалот ќе биде проследен со DJ сетови на Никола Наумовски, Игор Калц и Антонио Димитриевски.
Вториот (попладневно-вечерен) дел на фестивалот е планиран да започне во 17:00 часот со танцов перформанс на танцово студио „Ултра”, како и концерти на Авелина, КИ, ПМГ Колектив, Д.Н.О., а завршеток на фестивалот ќе биде со DJ сет на Dado K & Mamli.
Влезот ќе биде со донација, а публиката ќе може да присуствува согласно важечки здравствени протоколи за настани на отворено.
Организатор на фестивалот е Wire Entertainment (Ваер Ентертејнмент) од Куманово.