Пожарникарите ја посетија секвоја шумата во Националниот парк во Калифорнија, а основите на огромните стебла беа завиткани во специјални ќебиња од огноотпорна алуминиумска фолија во случај да им се закани пожарот.
Меѓу нив е и познатиот „Генерал Шерман“, секвоја висока 83 метри, со волумен од 1487 м3, кое се смета за најголемото дрво во светот.
На подрачјето на Националниот парк Калифорнија Редвуд, мобилизирани се околу 2.000 пожарникари кои таму ја ставаат во состојба на готовност целата своја противпожарна опрема.
Тие преземаат вонредни мерки за заштита на овие вредни дрвја, изјави за Меркјури њуз една од службениците во паркот, Кристи Бригам.
Навистина сакаме да направиме се што можеме за да ги заштитиме овие дрвја стари помеѓу 2000 и 3000 години, посочи таа.
Илјадници квадратни километри шума веќе се изгорени во Калифорнија оваа година. Бројот и интензитетот на пожарите во западниот дел на САД се зголемија во последните години, а сезоната на пожари се продолжи.
Експертите веруваат дека овој феномен првенствено е поврзан со глобалното затоплување, зголемување на температурите, зголемување на топлотните бранови и помали врнежи, од кои сите заедно прават идеален запалив коктел.
Два пожари избија во четвртокот во близина на Гигантската шума, како дел од Националниот парк Редвуд, во кој се сместени петте најголеми познати дрвја во светот, а меѓу нив и „Генерал Шерман“, кој привлекува десетици илјади туристи.
Пожарите со низок интензитет генерално не можат да им наштетат на огромните црвени дрвја, кои се прилагодиле на пожарите со текот на времето благодарение на екстремно густата кора на стеблото и гранките лоцирани многу високо, надвор од дофат на пламен.
Но, во исто време, потребен е оган за да се репродуцираат овие дрвја, бидејќи топлината на пламенот ги „пука“ конусите како пуканки, ослободувајќи стотици семиња.
Гигантските дрвја, кои растат само во Калифорнија во подножјето на Сиера Невада, сѐ уште не успеваат да ги преживеат пострашните пожари што избувнаа во Калифорнија во последните години поради климатските промени.
Во однос на климатологијата, ние сме во непознати води, изјави за Лос Анџелес Тајмс Кристал Колден, експерт за пожар на Универзитетот во Калифорнија, Мерцед.
Минатиот мај, експертите беа изненадени кога открија дека огромна секвоја, која била зафатена од огромен пожар, сѐ уште полека горела, како дрва во камин.