Силна промена на времето зафати многу делови од Европа.
Во Австрија снежните врнежи предизвикаа застој во сообраќајот, а на граѓаните им се препорачува да избегнуваат непотребни патувања.
Според предупредувањата, во наредните денови временската состојба би требало да се влоши.
Локално се очекуваат обилни дождови и налети на ветер, а откажани се и бројни настани на отворено.
Поради обилни снежни врнежи во Салцбург и Корушка затворен е дел од пругата.
Зафатена е делницата помеѓу Бишофсхофен и Спитал, а возовите се заменети со автобуси.
Guten Morgen. Das ist heute in den Nordalpen ein lokal tief winterliches Erwachen – hier Hohentauern in der Obersteiermark auf 1200 m. Zum Teil hat es sogar bis 600 m hinab geschneit (Hall/Admont, Pongau).
Quelle: https://t.co/33cUxOQtZd pic.twitter.com/W6YUgOoDKh— uwz.at (@uwz_at) September 13, 2024
Поради лошите услови на патиштата и паднатите дрвја, затворени се повеќе патни делници.
Тамошните експерти објаснија дека топол воздух од медитеранската област се движи во спротивна насока од стрелките на часовникот кон Централна Европа, каде што се среќава со студени воздушни маси.
Ова подоцна создава големи количини на врнежи, според Клајн Цајтунг.
Многу корисници на социјалните мрежи споделуваат фотографии и видеа од снегот што ги побеле скијачките центри и градовите на Алпите.
ADAC, германскиот автомобилски клуб, истакнува дека од денеска до недела, 15 септември, метеоролозите очекуваат значителни врнежи од снег на Алпите над 1000 метри.
Според временската прогноза, во Германија најверојатно ќе наврнат од пет до 25 сантиметри свеж снег во зависност од надморската височина.
На највисоките височини можна е и над 30 сантиметри снег.
ADAC предупредува дека возачите во пониските области мора да бидат подготвени и за прекини во сообраќајот.
Имено, обилните врнежи можат да доведат до лизгање на земјиштето и поплави.
Германската метеоролошка служба (DWD) издаде предупредување за снежни врнежи за областите Обералгау, Осталгау, Гармиш-Партенкирхен, Бад Толц-Волфрацхаузен, Мизбах, Розенхајм и Траунштајн. Предупредувања има и поради дожд.
#Wintereinbruch in #Österreich
Mittlerweile schneit es inneralpin vielerorts bis in Tallagen, wie hier im Gasteinertal! Oberhalb von etwa 800 Metern ist es weiß geworden ❄️
Das Programm für die nächsten Tage: viel Regen & Schnee! #Wetter #Schnee #snow pic.twitter.com/Ot5JPTcmTa
— Matthias Markel (@MatthiasMarkel) September 12, 2024
Интензивниот почеток на зимските услови е посебен предизвик за возачите, особено ако се уште возат со летни гуми.
Во Германија зимските гуми се задолжителни во зависност од ситуацијата.
Возачите мора да поставуваат зимски гуми ако сакаат да го возат својот автомобил во зимски услови на патот – без оглед на сезоната.
Во меѓувреме, времето во Македонија ќе биде променливо облачно и нестабилно со локален пороен дожд и грмежи.
Наместа во западните и источните делови ќе има појава на невреме со интензивен пороен дожд (над 20 l/m²), грмежи и силен ветер (над 70 km/h).