Брајан Фредерик Џенингс (Brian Frederick Jennings) (66), осуден за убиство на шестгодишната Ребека Кунас во 1979 година, беше егзекутиран синоќа во државниот затвор на Флорида во близина на Старк, што е рекордна 16-та егзекуција во Флорида оваа година.
Џенингс беше прогласен за мртов во 18:20 часот откако му беше дадена смртоносна инјекција, според американските медиуми.
Џенингс, поранешен маринец, доби смртна казна за киднапирање, силување и убиство на девојче кое било однесено од нејзината спална соба додека нејзините родители биле во друга соба.
Според судските записи, девојчето било удавено во канал, а нејзиното тело било пронајдено истиот ден.
Џенингс бил идентификуван врз основа на описи на сведоци, отпечатоци од стапала и отпечатоци од прсти на прозорец, и бил уапсен неколку часа по злосторството поради сообраќаен прекршок.
Кога го прашале дали има конечна изјава, тој одговорил дека нема.
Џенингс беше осуден на смрт три пати – првичните две пресуди беа поништени, додека третата, изречена во 1986 година, остана на сила.
Гувернерот Рон ДеСантис, кој ја потпиша смртната казна, нареди повеќе егзекуции оваа година од кој било друг гувернер на Флорида од 1976 година.
Претходниот рекорд беше осум егзекуции за една година.
Дополнителни егзекуции се закажани за 20 ноември и 9 декември, што би можело да го зголеми вкупниот број на 18.
Според Информативниот центар за смртна казна, во САД имало 42 судски егзекуции оваа година.
Врховниот суд на Јужна Каролина одби да ја спречи егзекуцијата на Стивен Брајант, осуден за три убиства, закажана за петок со стрелачки одред, пренесува Танјуг.