Слаб интерес за мировните мисии на австриската армија на Балканот

Сподели со своите пријатели

Австриската армија има големи проблеми да најде доволно војници за меѓународни мисии на Балканот.

Loading...

Овие проблеми не се нови, но стануваат се поголеми, покажува интерната анализа за учество во мировни мисии.

Поради ова е загрозено учеството во мисиите на КФОР на Косово и ЕУФОР во Босна и Херцеговина.

Состојбата на медицинскиот персонал е особено драматична.

Степенот на зафатеност на австрискиот армиски контингент на Косово во моментов е 78 отсто, а недостасуваат 81 војник.

ПРОЧИТАЈТЕ И:  Австриска министерка потрошила милиони за надворешни советници

Што се однесува до медицинскиот персонал, зафатеноста е само 36 отсто, а членуваат само пет наместо 14.

Во рамките на австрискиот контингент на лице место нема ниту еден лекар, па де факто медицинскиот персонал не е подготвен да дејствува.

Внатрешниот документ предупредува дека австриската армија е изложена на ризик од негативна репутација.

Loading...

„Исполнувањето на задачите се оценува како загрозено. Поради недостиг на луѓе на важни позиции, не е можно да се обезбеди нормално функционирање во одредени сегменти“, се наведува во извештајот.

ПРОЧИТАЈТЕ И:  ЕК: Односите на Србија со Русија отвораат сериозни прашања

Во Босна и Херцеговина, каде австриската армија е дел од мировната мисија од 2004 година, зафатеноста на австрискиот контингент е 78 отсто, а голем проблем има и со здравствената заштита.

„Поради недостаток на медицински персонал, исполнувањето на задачите се смета за кревко и има негативно влијание врз работата на ЕУФОР“, се додава во документот.

Од Министерството за одбрана посочуваат дека се започнати зголемени мерки за регрутирање кадри, но дека се намалува атрактивноста на мисиите кои траат подолго време.

ПРОЧИТАЈТЕ И:  ЕК: Односите на Србија со Русија отвораат сериозни прашања

„Истовремено, во фокусот е здравствената заштита на нашите војници, но ниту армијата не е поштедена од недостатокот на лекари. Проблемот го препознавме пред извесно време и работиме на решение“, велат од министерството.

Тие наведуваат дека на среден рок ќе се реши проблемот со недостаток на персонал во австрискиот контингент на КФОР, со тоа што од 25 октомври борбениот баталјон од Клагенфурт ќе биде испратен во Косово, целосно екипиран со професионални војници.