Сириски бегалец загубил 25 роднини во земјотресот што во понеделникот ги погоди Турција и Сирија.
Неговото семејство го напуштило родниот град пред земјотресот за да избега од војната и да најде безбедно засолниште.
Амхад Идрис вчера ја посети мртовечницата и ги виде телата на членовите на неговото семејство.
„Срцето ми се кине. Не мислев дека вакво нешто може да се случи“, рекол тој држејќи го за рака својот починат внук.
Идрис и неговото семејство ја напуштиле својата татковина во 2012 година за да побараат засолниште во Саракиб, кој сириската армија го врати во 2020 година.
„Судбината нѐ најде тука“
„Ги изгубив ќерката, двете внуци, семејството на свекорот… Зборуваме за вкупно околу 25 луѓе. Бегавме од војната, погледнете каква неправда нѐ прогонува и што ни се случи. Тука баравме безбедно засолниште за нас и нашите деца.“
Вкупно над 15.800 луѓе загинаа во земјотресот што во понеделникот ги погоди Турција и Сирија, според новиот извештај објавен од официјални лица и спасувачи.
Светската здравствена организација (СЗО) проценува дека бројот на загинати може да достигне 20.000. Повеќе од 53.000 луѓе се повредени само во Турција.
ПРЕДУПРЕДУВАЊЕ: ВИДЕОТО Е ВОЗНЕМИРУВАЧКО!
Сите информации поврзани со најновите случувања во Турција можете да ги прочитате ТУКА.