Силни бомбардирања во Харков: Застрашувачки снимки од експлозиите (ВИДЕО)

On:
Сподели со своите пријатели

Украинските власти денеска ги обвинија руските сили дека истрелале ракети врз станбена зона во вториот по големина украински град Харков, при што загинале десетици цивили.

„Харков беше подложен на масовно гранатирање на градот“, напиша Антон Герашченко, советник на министерот за внатрешни работи на Украина.

Според него, за време на гранатирањето загинале десетици луѓе, а стотици се ранети.

Видеата објавени во Телеграм во понеделникот и потврдени од Њујорк Тајмс ги покажуваат тешките ракетни напади што се случуваат во североисточниот дел на Харков.

 

 

Други снимки покажуваат голем облак од чад, што укажува на можна експлозија, кој се издигнува од околните станбени згради.

Руските сили се распоредени околу периметарот на Харков во источна Украина, а според локалните власти, тие со денови ги гранатираат неговите периферни области, но украинските сили главно ги држат подалеку.

Бомбардирањето уследи по обидот на руските сили да влезат во градот денеска.