Во земјотресот со јачина од 6,4 степени според Рихтеровата скала што вчера ги погоди Филипините, повредени се најмалку 26 лица, а причинета е голема материјална штета, соопштија властите.
Земјотресот се случил вчера во 22:59 часот по локално време во близина на градот Лагајан во провинцијата Абри, 348 километри северно од Манила, соопшти Филипинскиот институт за вулканологија и сеизмологија.
Имаше почетна магнитуда од 6,7, но подоцна беше намалена на 6,4, соопшти институтот.
BREAKING 🇵🇭 : A 6.5 magnitude #Earthquake aka Lindol, jolted the #Philippines‘ Tineg, Abra Region & other parts of Northern Luzon on Tuesday evening as students left their boarding houses pic.twitter.com/fjema1jLjI
— Zaid Ahmd (@realzaidzayn) October 25, 2022
Многу згради беа оштетени, а улиците беа непроодни поради паѓање на карпи.
Во некои од погодените провинции снема струја, а оштетени се куќи и згради, според првите проценки.
Болницата во блиската провинција Илокос Норте е евакуирана откако се урна таванот, покажуваат фотографиите објавени на Фејсбук од агенцијата за заштита од пожари.
Некои улици се непроодни поради паѓање на карпи или пукнатини, објави Националната агенција за катастрофи.
Earthquake with magnitude 6.7 recorded in the Philippines, the epicenter was located 9 kilometers southeast of Pinil: first images#Earthquake #Philippines pic.twitter.com/PMpSE7pjSb
— Amir Ali Nemati (@AmirAliNemati07) October 26, 2022
Филипините се наоѓаат на Пацифичкиот огнен прстен, област со интензивна вулканска активност околу Тихиот Океан, каде што се случуваат околу 90 проценти од земјотресите во светот.
Еден од најсилните земјотреси што ја погоди земјата беше во јули 1990 година, кога повеќе од 2.400 луѓе загинаа на северниот остров Лузон.