Најмалку 540 луѓе се евакуирани поради шумскиот пожар кој беснее на југозападниот дел на Франција, во кој досега изгореа 1.300 хектари земјиште, додека четири куќи се уништени.
Околу 350 пожарникари и шест авиони се борат со пожарот, кој избувна вчера во винскиот регион Медоц.
Изгореа четири куќи и неколку згради“, соопштија од департманот Жиронида.
Франција, како и остатокот од Европа, се бореше со топлотен бран и суша во текот на летото, што предизвика шумски пожари низ целиот континент.
Повеќе од 60.000 хектари земја се уништени годинава во Франција, од кои повеќето на југозападот на земјата, што е шест пати повеќе од годишниот просек за периодот од 2006 до 2021 година, покажуваат податоците на Европскиот информативен систем за шумски пожари.