Змијата „чувар куќа“ се појавува како митско суштество и обично живее во темелите на куќата или во огништето.
Се верува дека змијата „чувар куќа“ претставува или предок на семејството, односно првиот предок кој го формирал тоа семејство, или во некои делови е предок кој бил најзаслужен и кој се истакнал на некој начин.
Змијата чува куќа се повикувала на вечера ако семејството било во неволја.
Змијата најчесто била во бела боја, но во некои делови ја замислувале и како црна.
Ретко се појавувала. Појавата на змијата „чувар куќа“ во куќа или двор би значело дека ќе се случи некој настан лош за семејството. Во оваа смисла, змијата „чувар куќа“ имала улога да ги предупредува жителите дека ќе се случи некој лош настан.
Појавата на змијата „чувар куќа“ секогаш предупредувало на злото, додека не се појавила кога треба да се случат поволни настани за семејството. Ова значело дека таа е поштар на лоши вести.
Тој лош настан можел да стане уште полош ако змијата би се убила. Бидејќи луѓето се плашеле од змијата, често се случувало да биде убиена. Ако била убиена, тоа ќе била голема навреда за предците.
Ова би го убило предокот и направениот грев би бил на родово ниво. Одмаздата од предците би била во форма на непосредна смрт на еден од членовите на домаќинството.
Змијата претставува тотемско животно од култот на предците. Бидејќи предците биле луѓе кои можат да бидат добри, лоши, а понекогаш и суетни, така и змијата.
Значи, тоа не претставувало ниту добро ниту лошо митско суштество, како што не биле ниту боговите, кои имале човечки карактеристики, и ќе се однесувале во зависност од приликата.
Сепак, карактерот на предвесник на злите настани е всушност доказ дека митскиот предок сака да му помогне на своето семејство, со укажување на настан што ќе се случи или може да се случи.
Ако семејството можело да разбере за што станува збор, можело да го избегне тој лош настан.
Ова е само едел од митските верувања на народите на овие простори поврзани со змиите.