Навистина бизарна и необична ситуација се случила на свадба во Сузо, Кина. Идните младенци не ги запознале родителите до свадбата, па на сред церемонија била откриена голема семејна тајна.
За време на церемонијата, мајката на младоженецот ја откри шокантната вистина за невестата откако го забележала белегот на нејзината рака. Нејзината одамна изгубена ќерка го имала истото!
Кога ја видела невестата, ги прашала родителите на нејзината идна снаа дали ја посвоиле пред повеќе од 20 години. Семејството било шокирано од прашањето бидејќи ниту на ќерката никогаш не и ја откриле вистина, но на крајот признале дека ја нашле покрај пат како бебе.
Невестата не можела да се вразуми од шокот кој го доживеала откривајќи ја вистината за своето детство, за нејзината вистинска мајка, но и за човекот со кој требало да се омажи. Иако мислела дека тој е нејзиниот брат, на крајот се испоставило дека тие не се во крвно сродство бидејќи и тој бил посвоен – веднаш откако исчезнала, пренесува The Sun.
Парот на крајот се венчал.