Најмалку шест лица загинаа во израелските напади на граничните премини меѓу Сирија и Либан во текот на ноќта, пред да стапи на сила примирјето договорено меѓу Израел и Хезболах, пренесоа сириските медиуми.
Сириската државна новинска агенција САНА јави дека во тие напади загинале четворица цивили и двајца војници, а ранети се 12 лица, меѓу кои и деца, жени и работници на сириската Црвена полумесечина.
Целта е граничен премин во сириската провинција Тартус и уште два во сириската провинција Хомс.
Сириската Црвена полумесечина потврди дека еден од нивните доброволци бил убиен, а друг ранет во овие напади, пренесува САНА.
Израел не ги коментираше нападите, но посочи дека ќе продолжи со акциите против обидите за шверц на оружје за Хезболах преку Сирија дури и по стапувањето на сила на прекинот на огнот, пишува „Тајмс оф Израел“.