Северна Кореја во петокот се закани дека ќе преземе „невиден постојан, силен одговор“ доколку Јужна Кореја и САД продолжат со планираните воени вежби, обвинувајќи ги сојузниците за подигање на тензиите во регионот.
Во изјавата пренесена од државниот медиум KCNA, Министерството за надворешни работи на Северна Кореја, исто така, рече дека ќе разгледа дополнителна воена акција доколку Советот за безбедност на ОН под влијание на САД продолжи да врши притисок врз Пјонгјанг.
Изјавата дојде додека Јужна Кореја и САД се подготвуваат за годишни воени вежби како дел од напорите за подобро спротивставување на растечките нуклеарни и ракетни закани на Северна Кореја, пренесува Ројтерс.
Долгогодишна напнатост
Министерството за одбрана на Сеул во петокот соопшти дека Јужна Кореја и САД ќе одржат симулациски вежби во Вашингтон следната недела и редовни пролетни вежби наречени „Штитот на слободата“ следниот месец во Јужна Кореја.
Јужна Кореја го нарече северниот сосед „непријател“ во новиот одбранбен документ, термин што го употреби за прв пат по шест години, што сигнализира ново заострување на односите со Пјонгјанг.
Сите информации поврзани со најновите случувања во Северна Кореја можете да ги прочитате ТУКА.