Северна Кореја денеска истрела околу 130 артилериски гранати во морето кај нејзиниот источен и западен брег, соопшти јужнокорејската армија.
Некои од гранатиte, наводно, паднале во тампон зона во близина на морската граница, што според Сеул е кршење на меѓукорејскиот договор од 2018 година дизајниран да ги намали тензиите, објави Ројтерс.
Се вели дека јужнокорејската војска испратила неколку предупредувачки пораки до Северна Кореја.
Северна Кореја сè уште не пријавила истрелување артилериски гранати, но спроведува сè поголем број воени активности, вклучувајќи лансирање ракети и вежби на воени авиони и артилериски единици.
Јужна Кореја и САД ги засилија воените вежби оваа година, велејќи дека тие се неопходни за одвраќање на нуклеарно вооружениот Север.
Сеопфатниот воен договор (CMA) од 2018 година беше најсуштинскиот договор што произлезе од повеќемесечните состаноци меѓу лидерот Ким Џонг Ун и тогашниот јужнокорејски претседател Мун Џе-ин.
Меѓутоа, бидејќи тие разговори одамна заглавија, неодамнешните вежби и демонстрациите на сила долж воспоставената граница фрлија сомнеж во иднината на мерките.
Јужна Кореја ја обвини Северна Кореја дека оваа година постојано го прекршува договорот со артилериски вежби, потсетува Ројтерс.
Сите информации поврзани со најновите случувања во Северна Кореја можете да ги прочитате ТУКА.