Пердасдефогу изгледа како секое друго село на Сардинија. Има црква, централен плоштад и шармантни мали продавници…
Ништо особено впечатливо, може да се каже, сè додека не сфатите дека има повеќе стогодишници по глава на жител од кое било друго место во светот.
Дури и еден од плоштадите се вика Пјаца Лонгевита, Плоштад долговечност. Сега во селото има девет стогодишници од 1.780 жители, што е признато како рекорд во Гинисовата книга.
Најмладата стогодишна во Пердасдефогу е Анунчиата Стори, која го прослави својот трицифрен роденден во август.
Таа вели дека е „здрава како риба“. Живата и весела, Анунчиата не се дрогира и готви минестроне со домашно тесто од Сардинија.
Дали храната е тајната за долговечноста на локалното население? Пјетро Мереу, режисер на документарниот филм „Клубот на стогодишници“, вели дека луѓето на истокот на Сардинија имале тежок живот, но со многу помалку стрес од денес.
Тие го следат ритамот на природата наместо постојано да се грижат за мобилните телефони или електронската пошта.
Антонио Брунду потврдува дека земјоделството отсекогаш било главната работа таму.
„Луѓето отсекогаш работеле на свеж воздух“, вели Бурду, кој со 104 години е најстариот во селото.
Неговата кожа е сè уште затегната и малку исончана и само недостатокот на предни заби укажува на неговата возраст.
Салваторе Мура, историчар и општински советник вели дека неколку фактори можат да ја објаснат долговечноста на мештаните. Една од нив е генетиката.
Покрај тоа, тие јадат храна која се одгледува „на растојание од нула метри“, односно во нивните градини.
Општеството е исто така важно.
„До последниот ден тие се опкружени со членови на семејството. И тоа ги прави физички и психички здрави“.
Селото на сите заедно го слави стотиот роденден. Нема да има повеќе оваа година, но може да има следната.
Келнерот Масимо, кој ги послужува гостите на централниот плоштад, Пјаца Европа, тврди дека за неговиот долг живот е заслужен „едноставно сардинскиот начин на живот“.
„Овде не пијат лекови, се хранат здраво и живеат мирно“.
Научниците исто така ќе се обидат да извлечат свои заклучоци за долговечноста на Сардинија.
Универзитетот во Сасари планира да секвенционира 13.000 примероци на ДНК од провинцијата Олигастро, објави неодамна Анса.
„Се надеваме дека ќе покажеме дека луѓето во Сардинија живеат добро, а тоа би било и начин да го „рекламираме“ нашиот регион“, рече проректорот Гавино Мариоти.