Каако што мажите се подобри во забележување детали од далечина и воочување објекти кои брзо се движат, жените брилираат во препознавањето на боите. Причината за тоа е еволуцијата.
Лешник, песок, крем, чоколадо, коњак, ова се само дел од поимите кои просечна жена ги користи за да се обиде да ви претстави некоја боја која ја видела. Просечен маж, само ќе каже, кафеава или браон.
За неа, сината е кобалт, тиркизна, азурна, небо, тегет. За него сино е сино. Истото важи и за сите други бои затоа што мажите и жените навистина боите ги гледаат на поинаков начин.
Во ловечко-собирачките заедници жените биле задолжени за собирање овошје и зеленчук, па вештината за брзо воочување на разлини нијанси била многу посакувана, затоа што изборот на погрешно растение можел да значи смрт за семејството. Други причини се кријат во тестостеронот, поради кој мажите, како што тврдат научниците, ги процесираат боите поинаку.
Разликите особено се воочливи кога во прашање е кафеава, жолта, зелена, сина. Мажите сите топли бои ги гледаат поцрвено за разлика од жените кои светот го бојат во жолто. Исто така, во очите на дамите, зелената е позелена.
Близу пет отсто од популацијата пати од слепило кога во прашање се боите. Оваа болест, чиј најчест тип подразбира нерегистрирање црвени и зелени бои, а го погодува секој 13. маж и дури секоја 200. жена.