Поранешниот „Хотел Солун“ лоциран на познатиот „Нагорички сокак“ во Куманово, односно улицата „Иво Лола Рибар“ го враќа некогашниот автентичен сјај.
Согласно проектот покрај конзервација, реставрација, санација и адаптација на објектот, предвидено е и обнова на ентериерот, опремување на просториите со мебел, организација на музички настани, обуки и други активности, информираше градоначалникот Максим Димитриевски.
Во меѓувреме во тек е реконструкцијата на кровот на Спортската сала во Куманово, по што ќе следува и обнова и уредување на внатрешниот дел.
Паралелно со тоа се уредува и комплексот Спомен Костурница со изградба на амфитеатар, изградба на три нови спортски терени и трим патеки, поставување на опрема за вежбање и рекреирање.
Никола Ивановски