Општина Куманово реализира повеќе активности за подобрување на патната инфраструктура во селските населби.
Во моментов се изведуваат градежни работи за тампонирање на патот кон село Довезенце.
Овој зафат е дел од континуираните напори за олеснување на секојдневниот живот на жителите во руралните средини и создавање услови за поттикнување на локалниот развој.
Паралелно со тоа, во село Орашац се врши одржување на дел од патната инфраструктура со поставување на гребан асфалт.
Со ваквите активности, општината најавува дека ќе продолжи со подобрување на условите во населените места надвор од градското подрачје.
Градоначалникот Максим Димитриевски истакна дека приоритет останува инвестирањето во патната мрежа, како основа за подобрување на животот и можностите на жителите во руралниот дел од Куманово.
Во меѓувреме во тек се градежни активности за бекатонирање на улицата „440“ во населба Иго Тричковиќ.
Никола Ивановски