Јавното претпријатие „Водовод“ деновиве започна со поставувањето на хоризоналната сигнализација низ централното градско подрачје, активности за кои ќе бидат одвоени 2,4 милиони денари од Буџетот на Општина Куманово.
Loading...
По комплетно завршување на техничката документација, добивање дозвола од Бирото за јавни набавки, обезбедување средства и реурси за започнување на оваа работа, од вчера започнавме со одбележување на „Октомвриска револуција“ и „Ленинова“. Планот за работа го добиваме од одговорните од општина Куманово – изјави Горан Стојковски., директор на ЈП „Водовод“.
Одбележувањето на пешачките премини ќе се одвива приоритетно, односно први ќе се постави на улиците каде се лоцирани градинки, училишта и здравствени установи, а притоа ќе се настојува да биде опфатено централното градско подрачје, но и сите приградски населби во Општина Куманово.
Недостатокот на сигнализацијата беше горчлив проблем изминатите години за кумановци, а на седниците на Совет на Општина Куманово редовно се кршеа копјата меѓу власта и опозицијата на оваа тема.
Loading...
Инаку, за прв пат оваа година јавно претпријатие учествува во одбележувањето на улиците, додека во минатите години тоа беше активност која ја спроведуваа приватни компании.