Се истражува дали пожарот во Лос Анџелес започнал на далновод

Сподели со своите пријатели

Инспекторите се сомневаат дека пожарот во Итон, округот Лос Анџелес, можеби започнал на далновод и ја истражуваат можноста, објави Лос Анџелес Тајмс.

Loading...

Весникот наведува дека областа околу далноводот е оградена и пристапот е дозволен само на истражителите.

Компанијата „Едисон“ во неделата соопшти дека проверката на електричните кола и електричните водови во областа Итон покажала дека е малку веројатно електричната опрема да го предизвикала пожарот, објави Си-Ен-Ен.

Бројот на загинати во пожарите во областа на Лос Анџелес се искачи на 24, а десетици луѓе се водат како исчезнати.

Шерифот на округот Лос Анџелес, Роберт Г. Луна, рече дека неговата канцеларија примила „десетици и десетици“ пријави за исчезнати лица, објави Си-Ен-Ен.

Претходно беше соопштено дека во пожарите загинале најмалку 16 лица.

Повеќе од 12.000 објекти беа уништени во пожарите само во Итон и населбата Палисадес.

Пожарникарите во неделата постигнаа напредок во гаснењето на пожарите, помогнати од слабеењето на ветровите, така што пожарите во Лидија, Кенет и Сансет беа изгаснати.

Loading...

Сепак, ветровите повторно зајакнаа во неделата навечер и се очекува да останат силни и во следните неколку дена.

Во Палисадес 13 отсто од пожарот е локализиран, а во Итон 27 отсто, додека во Херст 89 отсто од пожарот е локализиран.