СДСМ: Сликањето на Груевски со членовите на Специјалната олимпијада е крајно лицемерно

Сподели со своите пријатели

Центарот за комуникации на СДСМ испрати допис до сите медиуми во кое велат дека денешното сликање на Никола Груевски со членовите на Специјалната олимпијада на Македонија е крајно лицемерно.

Loading...

Соопштението ви го пренесуваме во целост.

Почитувани,

Денешното сликање на Никола Груевски со членовите на Специјалната олимпијада на Македонија е крајно лицемерно.

На последната седница на Советот на град Скопје, советниците на СДСМ и коалицијата предложија набавка на уште едно дополнително возило за лица со посебни потреби, наместо набавка на електричен автомобил за потребите на администрацијата на градот.

Вредноста на електричниот автомобил е 30.000 евра, што е сосема доволно за набавка на уште едно, дополнително специјално возило за лицата со посебни потреби. Сепак, ВМРО-ДПМНЕ и коалицијата, наместо за потребите на лицата со посебни потреби, одлучија да се луксузираат со електрични возила за администрацијата.

За Груевски потребите на граѓаните никогаш нема да бидат пред неговите и потребите на неговите соработници од злосторничкото здружение за раскош и луксуз. Тоа граѓаните веќе добро го знаат и ќе го испратат Груевски во политичка пензија.


Comments are closed, but trackbacks and pingbacks are open.