Огромен облак чад и пламен може да се види на сателитските снимки направени набргу откако клучниот мост што ги поврзува Русија и Крим беше оштетен во експлозија во саботата.
На фотографиите објавени од Maxar Technologies јасно се гледа дека голем дел од мостот што го користат возилата паднал во вода.
Пожарот се забележува и на паралелниот дел од мостот каде минува железничката пруга.
Се чини дека пожарот доаѓа од, за кој се верува дека е товарен воз, пишува Sky news.
Една фотографија покажува поширок поглед на мостот. На него се гледаат бројни возила во близина на делот од мостот кој се урна, како и на друг дел од патот кој делумно се урна.
Количината на чад што доаѓаше од пожарот беше толку голема што може да се види на оваа широка сателитска снимка.
И Planet Labs, друга компанија за снимање сателитски снимки, објави фотографија по експлозијата на мостот.
Да потсетиме, по експлозијата на мостот на Крим, рускиот претседател Владимир Путин ја обвини Украина за тероризам, а утринава руските сили извршија серија ракетни напади врз Киев и други украински градови.
Путин денеска на седницата на Советот за безбедност изјави дека денешните удари се одмазда за мостот на Крим.
Тој додаде дека Русија силно ќе одговори доколку украинските власти продолжат да организираат терористички напади.
Сите информации поврзани со најновите случувања со војната во Украина можете да ги прочитате ТУКА.