САД: 13 лица ранети за време на улична забава

Сподели со своите пријатели

Најмалку 13 лица се повредени за време на улична забава во американскиот град Сиракуза, во државата Њујорк, на настан на кој присуствувале неколку стотици луѓе, соопштија локалните власти.

Loading...

Најмалку четири лица се здобиле со прострелни рани, додека пет се ранети во напад со нож, пренесе АП.

Останатите се здобиле со повреди кога биле удирани од возила во метежот што следел, додаде полицијата.

Поручникот Метју Малиновски рече дека тројца мажи и 10 жени на возраст меѓу 17 и 25 години се меѓу 13-те повредени и се очекува сите да преживеат.

Шефот на полицијата на Сиракуза, Џо Сесил, рече дека полицајците кои патролирале по улиците слушнале истрели, а системот за снимање истрели покажал дека биле испукани неколку десетици истрели.

ПРОЧИТАЈТЕ И:  Украина може да биде поразена до крајот на годината, предупреди ЦИА

Девојка (22) била застрелана во стомакот, тинејџерка (17) била повредена во колкот, девојка (20) исто така била застрелана во непцата, додека маж (20) се здобил со прострелна рана во подлактицата.