Една постара жена е осудена за „дискредитација на руските вооружени сили“ затоа што во приватен разговор го опишала Володимир Зеленски како „згоден и смешен“.
Судот во предградието на Москва ја казни Олга Слегина со 40.000 рубли (390 фунти) во вторникот на сослушувањето кое траеше околу пет минути, соопшти руската група за човекови права Меморијал.
Седумдесетгодишната жена минатиот Божиќ престојувала во одморалиште во рускиот Северен Кавказ кога седнала околу заедничка маса и зборувала за Украина.
Слегина наводно се расправала со проруска жена од Одеса и го пофалила украинскиот претседател како „згоден млад човек со добра смисла за хумор“.
Полицијата ја привела пензионерката на распит откако три лица се пожалиле на неа во полиција.
Еден од полицајците наводно ѝ рекол на жената: „Немате право да го фалите бидејќи тој е наш непријател“, велат од Меморијалот.
Сите информации поврзани со најновите случувања со војната во Украина можете да ги прочитате ТУКА.