Руските окупатори инсталираа ракетни системи во областа на нуклеарната централа Запорожје и од тоа место го гаѓаат Никопол, изјави Петро Котин, претседател на Енергоатом, на Телеграм по разговорот со украинската мрежа United News, пренесува Хина.
„Ситуацијата (во електраната) е крајно напната и тензијата расте од ден на ден. Окупаторите носат опрема, како што се ракетни системи со кои веќе го гаѓаа другиот брег на реката Днепар и областа Никопол“, рече тој.
Според него, околу 500 руски војници сѐ уште се во нуклеарната централа.
Тие „ја контролираат централата“, рече тој.
„Ситуацијата е исклучително тешка“
„Тешкото оружје (тенкови, оклопни возила), армијата, камионите со оружје и експлозиви сѐ уште се стационирани во електраната“, рече Котин, оценувајќи дека има „недоволен“ притисок да се напушти и ја критикуваше Меѓународната агенција за атомска енергија (МААЕ), пренесува Индекс.хр.
Главниот директор на агенцијата, Рафаел Гроси, истакна во четвртокот, дека е „важно“ МААЕ да влезе во нуклеарната централа за да изврши „важни безбедносни и заштитни операции на најголемиот украински нуклеарна централа“.
Агенцијата нема пристап до нуклеарната централа од почетокот на руската инвазија на Украина на 24 февруари.
Електраната е под контрола на руските сили, но украинскиот персонал сѐ уште работи таму, се додава во соопштението, во кое се истакнува дека ситуацијата е „исклучително тешка“ поради „зголемениот притисок врз персоналот“.
Гроси истакна дека „се повеќе се плаши“ од условите во кои работат работниците и од „влијанието на таквите услови врз безбедноста на електраната“.
Во 2021 година, централата обезбедува 20 отсто од годишното производство на електрична енергија во Украина и 47 отсто од производството на нуклеарна енергија во Украина.
Сите информации поврзани со најновите случувања со војната во Украина можете да ги прочитате ТУКА.