Во нападите загинаа 12 цивили, изгубени се 60.000 тони жито
Се додава дека е зафатена инфраструктура во пристаништето во Одеса област, терминали за жито и нафта, оштетени се цистерните и опремата за товарење, а дошло и до пожар, пренесува Интерфакс Украина.
Украинскиот министер за аграрна политика и исхрана, Микола Солски, изјави дека како резултат на руските напади на 18 и 19 јули, уништени се 60.000 тони жито во морските пристаништа Одеса и Черноморск и ја повика светската заедница силно да одговори на агресијата, објави прес-службата на Министерството.
Според соопштението, за целосна реконструкција на погодените објекти ќе биде потребна најмалку една година.
Во пристаништето во Черноморск беа уништени и 60.000 тони жито, кое требаше да биде испратено преку коридорот за жито пред 60 дена.
Украина ја обвини Русија дека намерно извршила напади на споменатите терминали во пристаништето на Црното Море, а советникот на украинскиот претседател Михаил Подољак изјавил дека главната цел е да се спречи Киев оттаму да го извезува своето жито.
„Секој руски проектил е напад не само на Украина, туку и на сите во светот кои сакаат нормален и безбеден живот“, напиша украинскиот претседател Володимир Зеленски на „Телеграм“.
Шефот на украинската разузнавачка служба Кирило Буданов ја презеде одговорноста за експлозијата на рускиот воен полигон на Крим.
– Шефот на разузнавачката служба Буданов изјави дека детонацијата на складиштето за муниција на Крим е резултат на операција на Главната разузнавачка управа и вооружените сили на Украина, јави агенцијата Анадолу, пренесува Бета.
Гувернерот на Крим, Сергеј Аксинов, вчера изјави дека избувнал пожар на воен полигон на истокот на полуостровот Крим, кој предизвикал евакуација на повеќе од 2.000 цивили.
Руските власти, вклучително и војската, не потврдија дека се работи за експлозија на муниција, а не ја прецизираа можната причина за пожарот.
Гувернерот Аксионов соопшти дека поради пожарот е затворен автопатот што го поврзува пристаништето Керч на истокот на Крим со Севастопол на југозападниот дел на полуостровот.
Сите информации поврзани со најновите случувања со војната во Украина можете да ги прочитате ТУКА.