Русија во средата објави дека масовното производство на нови системи за електронско војување и анти-дронови ќе започне во следните неколку месеци.
„Во рок од еден до два месеца се планира да се заврши тестирањето и да се премине на масовно производство на новата генерација авијациски и копнени електронски и борбени дронови“, објави руската државна одбранбена компанија „Ростек“ на Телеграм.
Во соопштението се наведува и дека Ростек го зголемува темпото и обемот на производство на оружје, специјална и воена опрема.
Станува збор за борбени и транспортни хеликоптери, нови и модернизирани борбени авиони, фронтални бомбардери, стратешки ракетни носачи, авиони за транспорт и борбена обука“, се наведува во соопштението.
Се додава дека „Ростек“ и неговите компании доставуваат серија мало оружје и муниција, беспилотни летала со различни намени, преносни противвоздушни ракети и противтенковски системи на руската армија.
„Ростек, исто така, произведува опрема за електронско војување на копно, воздух и море, опрема за државна идентификација, опрема за мерење со посебни намени и многу повеќе“, се додава во соопштението.