Русија призна дека некои од нејзините војници се повлекле „на поповолни одбранбени позиции“ во близина на резервоар северозападно од градот Бахмут во источна Украина.
Соопштението на руското Министерство за одбрана е прво признание на Москва дека Украина успешно ја враќа територијата околу главно уништениот град во источна Украина што Русија се обидува да го освои повеќе од 10 месеци.
Украинскиот претседател Володимир Зеленски изјави дека Русија „веќе се подготвува за пораз“ и дека украинските војници мора да ги притиснат руските сили, пренесува Јутарњи лист.
Зеленски за време на неговото вообичаено обраќање до нацијата во петокот рече дека украинските војници мора да го претворат стравот од пораз што го чувствуваат Русите во нивни „грешки, загуби и бегство“.
„Благодарам на сите што го уништуваат непријателот. Благодарен сум на сите што ни ја вратија територијата“, додаде украинскиот претседател.
Сите информации поврзани со најновите случувања со војната во Украина можете да ги прочитате ТУКА.