Гласот на Русија и други руски извори известуваат дека е пронајден дел од алуминиумска машина стара над 300 милиони години во Владивосток.
Според Јулија Заманскаја, кога еден жител на Владивосток запалил оган за време на студена зимска вечер, тој открил метален предмет во форма на шина што бил притиснат во едно од парчињата јаглен што го однел дома за да го загрее својот дом. Фасциниран од откритието, тој го однел предметот во блискиот научен институт и го предал на анализа.
Кога металниот предмет го проучувале локални експерти, човекот бил шокиран кога дознал за проценетата возраст на неговото откритие. Првата проценка на случајот посочи на возраст од 300 милиони години.
За да се осигурат, локалните истражувачи побараа помош од водечки руски експерти. Резултатите беа изненадувачки. Имено, тие ги потврдија оригиналните претпоставки и објавија дека објектот е стар околу 300 милиони години. Изненадувањето беше големо, особено затоа што е познато дека таков метален предмет, во времето кога се тврди дека е создаден, не можел да биде обработен на начин на кој укажуваат неговите карактеристики.
Имено, металниот предмет е изработен од прецизно обработено и полирано парче легура на алуминиум на кое има три брзини. Руските научници се соочуваат со загатка затоа што не можат да дадат одговор за тоа кој пред 300 милиони години можел да направи метален зупчаник.