Русија за првпат влезе во првите три најголеми трговски партнери на Индија.
Трговскиот обем на двете земји за пет месеци оваа година достигна 27,1 милијарди американски долари, покажуваат податоците на индиското Министерство за трговија и индустрија.
Според Министерството, во периодот јануари – мај обемот на билатералната трговска размена се зголеми за 3,8 пати на рекордни 27,1 милијарди американски долари, како резултат на зголемувањето на индиските купувања на руски стоки за 3,9 пати на 26,5 милијарди долари, што ѝ овозможи на Русија да остане на втор најголем увозник на стоки во земјава.
Покрај тоа, извозот на индиски производи во Русија исто така нагло се зголеми, 2,6 пати на 639 милиони американски долари, пренесува Танјуг.
Најголем трговски партнер на Индија и натаму е Кина со вкупен промет од 41,1 милијарди американски долари, иако бројката за годината падна за 9,3 отсто.
Останатите остануваат Соединетите Американски Држави (САД), чиј обем на трговска размена со Индија за годинава е намален за 12,5 отсто, на 30,4 милијарди американски долари.
Трговскиот промет меѓу Обединетите Арапски Емирати (ОАЕ) и Индија од јануари до мај е намален за 11 отсто, на 24,2 милијарди долари, поради што земјата падна на четвртата позиција.
Саудиска Арабија е на петтото место со промет од 18,3 милијарди американски долари, што е намалување од 9,1 отсто на годишно ниво.