Русија почна да ги користи своите нови борбени тенкови Т-14 Армата за гаѓање на украинските позиции, „но тие сè уште не учествувале во директни офанзивни операции“, објави во вторник руската државна новинска агенција РИА Новости, цитирајќи извор запознаен со ситуацијата.
РИА Новости пишува дека тенковите се опремени со дополнителна заштита од страните и дека екипажот поминал обука на полигони во Украина.
Тенкот Т-14 е специфичен по тоа што екипажот не се наоѓа во куполата, туку далечински го контролира оружјето од „изолирана оклопна капсула сместена во предниот дел на трупот“, пренесува Ројтерс.
„Командантите нема да им веруваат на тие тенкови во битка“
Тенковите имаат максимална брзина на автопатот од 80 километри на час.
Во јануари британското воено разузнавање објави дека руските сили во Украина не сакаат да ја прифатат првата транша тенкови поради нивната „лоша состојба“.
Тие, исто така, истакнаа дека секое распоредување на Т-14 најверојатно ќе биде „одлука со висок ризик“ за Русија и одлука донесена првенствено за пропагандни цели.
„Се произведува во мали количини, а командантите веројатно нема да му веруваат на возилото во борба. Единаесет години по развојот, програмата е зафатена од одложувања, намалување на планираната големина на флотата и извештаи за проблеми во производството“, според британската армија.
Кремљ нареди производство на 2.300 тенкови до 2020 година, но тој рок подоцна беше продолжен до 2025 година, јавуваат руските медиуми.
Новинската агенција Интерфакс во декември 2021 година објави дека државниот конгломерат Ростек започнал со производство на приближно 40 тенкови, а испораката се очекува по 2023 година.
Сите информации поврзани со најновите случувања со војната во Украина можете да ги прочитате ТУКА.