Русија ја отфрли можноста за „божиќен прекин на огнот“ по речиси 10 месеци војна во Украина.
Москва, исто така, соопшти дека го отфрла повикот на Киев да започне со повлекување на војниците до Божиќ, пишува Sky News.
Двете земји во моментов не преговараат за крај на конфликтот.
Вчера беше одбележан првиот голем напад со дронови врз главниот град на Украина Киев во последните неколку недели, при што беа погодени две административни згради, иако украинскиот претседател Володимир Зеленски рече дека се соборени 13 дронови.
Зеленски претходно оваа недела рече дека Русија треба да започне со повлекување на војниците до Божиќ како чекор кон ставање крај на конфликтот, но Москва го отфрли предлогот и рече дека Украина мора да прифати губење на територијата пред да може да се постигне каков било напредок.
Сите информации поврзани со најновите случувања со војната во Украина можете да ги прочитате ТУКА.